Плашејќи се да не предизвикам бура,
премолчувам.
Потоа, долго и упорно, во себе ме рони
немирна вода.

Спиј
Не сонувај
Лисјата се уште на дрвјата

сите несреќи на светот
барем така се сеќавам
годините си го направија своето

Чаша чај во оазата за дружба.
Багдад-кафе!
Кадар од филм

Стави ја планетата земја во чаша со вода
за да ја измиеш од сите гревови.
Сонцето ќе ја исуши.

Копнежот од кој гранката..
Верувам во солзите
Од другата страна на екранот

Дали заспиваш мирен?
додека некој таму далеку
е толку свиреп

зошто постоиш и ти
со своето молчење,
што го ставам на крајот од песната
како точка