Сомнежот раѓа прашања.
Прашањата сами по себе
трагаат по одговор.
Одговорите носат сознанија

песната да лебди
да е закривена
органски сплотена со пределот
формата секогаш по содржината.

Добрите песни успеваат да го спојат
реалното со емотивното, создавајќи
моќни и незаборавни слики. Понекогаш,
реалноста е само појдовна точка за
истражување на внатрешните емотивни пејзажи.

Би настојувал да се врати хуманоста
во дехуманизираниот свет, бруталноста
би ја заменил со емпатија. Би посадил
добрина за љубов да никне. 

Сум ги распослал соништата под нозете
твои; гази кротко зашто газиш по
соништата мои. (Вилијам Батлер Јејтс)

Заради Марина Цветаева научив руски
ги следев нејзините траги од Москва
до Елабуга, од Берлин до Фрајбург
до Прага, од стих до стих…