ЛЕСНО
Колку е лесно да се восхитувате на зајдисонцето
на птиците преселници и цвеќето,
на трговецот прекирен со жолта светлина –
овој град е безбеден од безбедно растојание
рече ти, купувајќи си роза со
долго стебло за долгиот пат до дома, и ме бакна
под небесниот свод – помина полноќ
воздухот беше свеж а ти имаше неколку капки дожд на твојата
коса, чадот од вековите не обвитка
обајцата во нежен оклоп од дожд
ти ми даде рака и му се насмевна на бездомникот
што го балансираше светот со метална прачка на
крајот од скалите на метрото
Колку е лесно, ми рече, да бидеш милостив
фрлајќи неколку парички во неговата хартиена чаша.
РАДИОТО ВЕРУВА ДЕКА ЈА ПЕЕ ОВАА ПЕСНА
Реката гледа нагоре
кон сонцето – јас сум оган,
вели реката, јас сум
планина во мојата сопствена
утроба, татнеж на камен
од волшебен камен
покрај морето.
Прекрасно! рече реката –
Мајко, погледни ме!
Но дождот нема очи.
ТИ КОЈ БЕШЕ ЗАГУБЕН
Ти кој беше загубен,
ти кој беше омразен,
ти кој беше сакан,
омразен и величен, кој
и да е твојот изговор,
дојди со мене ова утро,
во маглината, во копнежот,
биди смирен,
стариот превез се раздвои
ново мирно утро е,
биди смирен.
ОТКРИВ ЕДНА ЗЕМЈА
Јас открив една земја со скромни луѓе
кои живеат без значителни опсесии
кои живеат без значителна загриженост
кои живеат во молкот на заборавени места
во пасажите на својата имагинација
каде одбрале да бидат искрени без никој да се навреди
тие живеат без суверенитет или избори
тие ја истражуваат месечината
тие ги учат своите децата да гледаат во шолја кафе
тие готват неверојатна супа од аспарагус
а железницата непрестајно се движи
јас открив земја со незаинтересирани луѓе
тие се добри кон домашните животни
тие не биле никогаш поблиску до Бога
тие го прифаќаат искрениот гест
и лудаци во нивната академија
тие се смеат без иронија
тие ја знаат разликата
помеѓу мудроста и милоста
тие ги игнорираат ѕвончињата
тие отвораат врата учтиво
кога ветрот ќе затропа на нивните порти
јас открив земја каде нема теории
каде немаат потреба од остроумност
каде немаат потреба од столари
или ловци или проститутки или ингениозност
или мистици или адвокати
или сметководители
или судии за условно
или пчелари
каде интригите се невозможни
каде ракувањата се излишни
каде докторите се поети
и хороскопот незадолжителен
метрото не затресува
комарците не касаат
ниското земјиште не се поплавува
и рајот не се срушува
семејства од нивните кревети
има многу бои на неговото знаме
има многу рози по неговите градини
има таверни долж патот
и зумбули пред неговите викендички
има дури и семејства Цигани
кои свират виолина долж околните друмови
коњите нивни имаат прекрасни заби
политичарите затвораат уста
кога џвакаат
каква прекрасна земја
јас пронајдов!
листови од винова лоза
прекрасни кловнови
стар човек со шапки
бари кои пеат како жаби
кучиња на кои јаваат дечиња
дечиња кои свират како сообраќајци
војници кои се борат како тропска риба
под кревкото сино небо
и долга река која тече
низ главниот град и исфрла
букет од сенки пред моите стапала
кога и да пешачам покрај брегот
во калдрмните утра
низ главниот град и исфрла
букет од сенки пред моите стапала
кога и да пешачам покрај брегот
во калдрмните утра.
Џорџ Валас
Превод од англиски јазик: Нина Величковска
ЏОРЏ ВАЛАС (GEORGE WALLACE) е американски поет и промотор на поезија, роден на 22 март 1949 година во Хемпстед, Њујорк. Низ годините настапувал на познати светски фестивали низ светот, како фестивалот во Ледбјури, фестивалот Вуди Гатри, Ловел Селебрејт Карук и Лирик Рикавери Карнеги Хол. Има соработувано со француски драматурзи на фестивалот во Авињо и се има појавено на сцената со голем број ликови од популарната музика. Неговите предавања и читања му овозможија присуство низ многу локации во Англија и во Америка, вклучувајќи ги и центарот Дилан Томас, центарот Роберт Бернс, центарот Џон Стајнбег и други. Во 2017 година беше прогласен за лауреат на Меѓународниот поетски фестивал „Дитен е намит“ во Тетово, Македонија.
